सोसल मिडिया
रुकुम पश्चिम / जिल्ला खेलकुद विकास समिति रुकुम पश्चिमद्धारा मुसिकोटमा शुक्रबार देखि सञ्चालित अन्तरपालिका स्तरिय भलिबल प्रतियोगितामा सानीभेरी गाउँपालिकाको पुरुष तथा महिला दुबै तर्फका टिम विजेता बनेका छन् । सोमबार सम्पन्न प्रतियोगितामा महिला तथा पुरुष दुवै टिमको विजेता सानीभेरी नै भएको छ ।
विजेता सानीभेरी गाउँपालिकाको भलिबल समुहले नगद ५५ हजार पुरस्कार हात पारेको छ । नगद पुरस्कारको साथमा मेडल र प्रमाण पत्र पनि जितेका छन् । सानीभेरीको समुहले चौरजहारीको समुहलाई पराजित गरेको आयोजकले जनाएको छ ।
उप विजेता चौरजहारी नगरपालिकाको समुहले नगद २५ हजार प्राप्त गरेको छ । त्यसैगरी सेमी फाइनलसम्म पुगेको बाँफिकोट गाउँपालिका र आठबिसकोट नगरपालिकाले समुहले पनि १२/१२ हजार नगद पुरस्कार प्राप्त गरेका छन् ।
महिला भलिबल तर्फको विजेता सानीभेरी गाउँपालिकाको समुहले पनि नगद ५५ हजार प्राप्त गरेको छ । फाईनल खेलमा त्रिवेणि गाउँपालिकालाई हराउँदै सानीभेरी विजेता बनेको हो ।
उपविजेता बनेको त्रिवेणि गाउँपालिकाको समुहले २५ हजार नगद प्राप्त गरेको छ । त्यसैगरी सेमी फाइनल पुगेका बाँफिकोट गाउँपालिका र आठबिसकोट नगरपालिकाले १२/१२ हजार नगद पुरस्कार हात प्राप्त गरेका छन् ।
निकै सौहार्दपूर्ण वातावरणमा खेल सम्पन्न भएको आयोजक जिल्ला खेलकुद विकास समितिका अध्यक्ष शैलेस कुमार शर्माले बताउनुभयो ।
