सोसल मिडिया
रुकुम पश्चिम / जिल्ला खेलकुद विकास समिति रुकुम पश्चिमले गत शुक्रबार देखि सञ्चालन गरेको खुला पुरुष ब्याडमिन्टनमा भावेश बोहरा र सिदार्थ केसीको जोडि विजेता बनेको छ ।
सोमबार बिहान कृष्ण नाथ योगी र विजय विष्टको जोडीलाई हराउँदै बोहरा र केसीको समुह विजेता भनेको हो । योगी र बिष्टको जोडि भने उप विजेता बनेको छ ।
विजेता जोडिले नगद २५ हजार, उपविजेता जोडिले नगद १५ हजार पुरस्कार प्राप्त गरेको आयोजक खेलकुद विकास समितिका अध्यक्ष शैलेस कुमार शर्माले बताउनुभयो । प्रतियोगितामा विशाल विष्ट र अबिनाश केसी तथा सुधिर विक्रम शाह र यामबहादुर केसीको जोडी सेमी फाइनलसम्म पुगेका थिए ।
सेमी फाइनलमा पुगेका २ जोडीले ५/५ हजार नगद पुरस्कार पाएका छन् । प्रतियोगितामा कुल ६७ जोडिले भाग लिएका थिए ।
