सोसल मिडिया
रुकुम पश्चिमको मुसिकोट नगरपालिका –४ सोलाबाङमा अचेत अवस्थामा भेटिएका एक पुरुषको चार दिनसम्म पनि पहिचान खुलेको छैन ।
अचेत अवस्थामा भेटिएका अपरिचित पुरुषको उपचार जिल्ला अस्पताल सल्लेमा भईरहेको छ । अझैसम्म उनको होस आएको छैन । जिल्ला प्रहरी कार्यालयले ती पुरुषको उपचारमा समस्या भएको जनाएको छ ।
जिल्ला प्रहरी कार्यालयका सूचना अधिकारी प्रहरी निरीक्षक बखत बहादुर शाहीका अनुसार गत सोमबार सोलाबाङमा ती पुरुष अचेत अवस्थामा फेला परेका थिए । पहिचान नखुलेका ती पुरुष अन्दाजी ५५/५६ बर्षका रहेका छन् । झट्ट हेर्दा भारतिय मुलको जस्ता देखि ती पुरुषको अझैसम्म नाम, थर, ठेगाना पत्ता लागेको छैन ।
उनीलाई उद्धार गरेर जिल्ला अस्पताल सल्लेमा ल्याईएको थियो । ती व्यक्तिको आफन्त कोही नभएको र उपचारको लागी पैसा समेत नभएकोले उपचारमा सहयोग गर्न प्रहरीले अनुरोध गरेको छ ।
प्रहरीले उपचारका लागि सहयोग गर्नका साथै कसैले चिनेमा आफन्तजनमा सम्पर्क गरिदिन समेत अनुरोध गरेको छ ।
