रुकुम पश्चिममा खोलाले बगाउँदा एक पुरुष बेपत्ता भएका छन् । 

जिल्लाको मुसिकोट नगरपालिका -७ निवासी अन्दाजी ५५ वर्षिय तेजबहादुर बुढा झुल्खेतको चुनाखोलाले बगाउँदा बेपत्ता हुनुभएको हो । 

जिल्ला प्रहरी कार्यालय रुकुम पश्चिमका अनुसार आज दिउँसो बुढालाई खोलाले बगाएको हो । घरबाट गोठतर्फ जाने क्रममा खोला तर्न खोदा बुढालाई खोलाले बगाएको बुझिएको जिल्ला प्रहरी कार्यालय रुकुम पश्चिमका प्रहरी निरीक्षक ऋषि पाठकले जानकारी दिनुभयो । 

बुढालाई खोलाले बगाएको सूचना पश्चात झुल्खेत, सोलाबाङ क्षेत्रमा प्रहरी परिचालन गरेर खोजी कार्य जारी राखिएको बताईएको छ ।