सोसल मिडिया
मध्यपहाडी राजमार्गको रुकुम पश्चिमखण्ड खुलेको छ ।
जिल्लाको मुसिकोट नगरपालिका -८ रिनदह आसपासका विभिन्न स्थानमा झरेको पहिरोको कारण शनिबार बिहानदेखि सडक अवरुद्ध रहेको थियो ।मुसिकोट नगरपालिकाको डोजर र अन्य निकायको समन्वयमा पहिरो हटाएसँगै आईतबार दिउँसोबाट सडक सूचारु भएको हो ।
मुसिकोट नगरपालिकाका प्रमुख महेन्द्र केसीले वर्षाका कारण विभिन्न ठाउँमा पहिरो झर्दा अवरुद्ध भएको मध्यपहाडी राजमार्गमा यातायात सूचारु भएको जानकारी दिनुभयो ।
सडक खुलेसँगै रोकिएका यातायातका साधनहरु चल्न थालेका छन् । यस स्थानमा बेला बेलामा पहिरो जाँदा यातायातका साधनहरु रोकिने गरेका छन् भने यात्रुहरुले सास्ती पाउने गरेका छन् ।
