गत आईतबार बिहान अमेरिकाको टेक्सासमा हत्या गरिएका रुकुम पश्चिमको बाँफिकोट गाउँपालिका १० सेजे गाउँका ३० वर्षिय दिपक ओलीको आज अमेरिकामै अन्त्येष्टि गरिएको छ । 

अमेरिकी समय अनुसार आईतबार बिहान करिब १० बजेको समयमा उहाँको अन्तिम दाहसंस्कार गरिएको बाँफिकोट गाउँपालिका -६ मग्मा घर भई हाल अमेरिकामा रहनु भएका समाजसेवी गोर्ख कुसारीले जानकारी दिनुभयो । हत्यापछि दिपकको शव अस्पतालमा राखिएको थियो । पोष्टमार्टम लगायतको प्रक्रियापछि अस्पतालले आफन्तजनलाई शव दिएपछि आज दाहसंस्कार गरिएको कुसारीले जनाउनुभयो । 

अमेरिकाको Providence-Jones Family Funeral Home, 604 State Hwy 95, Elgin, TX 78621 मा उहाँको शवको अन्तेष्टि गरिएको हो ।दिपकको अन्तिम दाहसंस्कार कार्यक्रममा सयौ नेपालीहरुको उपस्थिति रहेको थियो । 

गत आईतबार बिहान टेक्सासस्थित वेको सिटी नजिक हाइवे ३५ को एक्जिट ३४६ मा रहेको ग्याँस स्टेसनमा कार्यरत दिपकलाई बन्धुकधारी लुटेरा समूहले गोली हानेका थिए । ग्याँस स्टेसनलाई लुटिनाबाट जोगाउन लागेका दिपकको घटनास्थलमै मृत्यु भएको थियो । 

दिपकको घरमा बुवा, आमा, श्रीमति, छोरी, दुई भाई हुनुुहुन्छ ।