सोसल मिडिया
रुकुम पूर्वको सिस्ने गाउँपालिका –८ स्थित स्यालापाखा स्वास्थ्य चौकीमा स्तनपान सम्बन्धी अन्तरक्रिया गरिएको छ ।
विश्व स्तनपान सप्ताहको अवसरमा हजार दिने आमाहरु बिचमा अन्तरक्रिया गरिएको हो ।
फेयरमेड फाउन्डेशन, सर्वाङगिन विकास केन्द्रको परियोजना कार्यालय रुकुम पूर्वको सहयोग तथा स्वास्थ्य कार्यालय रुकुम पूर्व र सिस्ने गाउँपालिकाको समन्वयमा “स्तनपानमा समानता स् सबैको सहयोग र सहभागिता" भन्ने मुल नाराका साथ अन्तरक्रिया गरिएको हो ।
कार्यक्रममा स्यालापाखा स्वास्थ्य चौकीका जन स्वास्थ्य निरीक्षक गिरभान पुनले पूर्ण स्तनपानको परिचय र महत्व, स्तनपानका सहि आसन र सम्पर्क, स्तनपानका फाईदा, बिगौती दुधको फाईदा, स्तनपानको बेला सरसफाई लगायतका बिषयमा जानकारी दिनुभएको थियो ।
उक्त कार्यक्रममा ३५ जना आमाहरुको सहभागिता रहेको फेयरमेड फाउन्डेशन र सर्वाङ्गिण विकास केन्द्र (एचडिसी) नेपालकाे साझेदारीमा सञ्चालित ग्रामिण स्वास्थ्य सुधार परियोजनाका संयोजक उदय केसीले जानकारी दिनुभयो ।
कार्यक्रममा सर्वाङ्गिन विकास केन्द्रमा लेखा तथा प्रशासन अधिकृत रामचन्द्र केसी र सामाजिक परिचालक शुशिला खड्काको उपस्थिति रहेको थियो ।
