सोसल मिडिया
रुकुम पश्चिम । रुकुम पश्चिमको सानीभेरीमा एक महिलाको घरभित्रै शव फेला परेको छ । सानीभेरी गाउँपालिका वडा नम्बर ४ लामाचौरमा अन्दाजी ४५ वर्षिया शुसिला मल्लको आफ्नै घरमा शव फेला परेको वडा अध्यक्ष मनोज बुढाथोकीले जानकारी दिनुभयो ।
उहाँका अनुसार मल्लको गहना लुटेर हत्या गरिएको आशंका गरिएको छ । मंगलबार राति हत्या भएको हुन सक्ने आशंका गरिएपनि शव बुधबार विहान फेला परेको हो ।
शुसिलाको घरमा यतिवेला शुसिला र उहाँको बुहारी मात्रै छन । तीन छोरा रोजगारीको शिलशिलामा बाहिर रहेको समेत वडा अध्यक्ष बुढाथोकीले बताउनुभयो ।
घटनास्थलमा प्रहरी भर्खरै मात्र पुगेको जिल्ला प्रहरी कार्यालय रुकुम पश्चिमले जनाएको छ । घटना रहस्यमय रहेको र अनुसन्धान कार्य सुरु गरिएको प्रहरीले उल्लेख गरेको छ ।
