सोसल मिडिया
रुकुम पश्चिमको चौरजहारी नगरपालिका -३ मा अटो दुर्घटना भएको छ । आईतबार बेलुका लु प ०२०००१ ह ००७६ नम्वरको अटो दुर्घटना भएको हो ।
दुर्घटनामा परेर चौरजहारी नगरपालिका वडा नम्वर ६ घर्तिकाँडा निवासी २१ वर्षिय सिर्जना बिक र उहाँकी ३ वर्षिया छोरी घाईते हुनुभएको छ ।
पारिवारीक कामको शिललिलामा वडा नम्वर ६ को शान्तिवजार देखि चौरजहारी आउदै गर्दा वडा नम्वर ३ को लापुलेगाउँको मोडमा अटो दुर्घटना भएको बताईएको छ ।
दुर्घटनामा परेर आमाको बाँया हात भाँचिएको छ भने छोरीको टाउँकोमा गहिरो चोट लागेको छ । उहाँहरुको चौरजहारी अस्पतालमा उपचार भईरहेको छ । अस्पतालका मेडिकल डाईरेक्टर डाक्टर निमरोद लिम्वुका अनुसार आमाछोरीलाई थप उपचारको लागि आफन्तजनले नेपालगञ्ज लिने तयारी गरिरहनुभएको छ ।
अटोचालक सोही वडा निवासी २५ वर्षिय नविन वोहोरालाई सामान्य चोट लागेको वताईएको छ । चालक बोहरा र अटो इलाका प्रहरी कार्यालय चौरजहारीले नियन्त्रणमा लिएर घटनाको वारेमा थप अनुसन्धान गरीरहेको वताएको छ ।
