सोसल मिडिया
सुर्खेत । कर्णाली प्रदेशभर भदौ ३ र ४ गते सार्वजनिक बिदा हुने भएको छ ।
३ गतेका दिन जनै पूर्णिमा तथा रक्षा बन्धनको अवसरमा देशभर सार्वजनिक बिदा हुने भएको हो भने ४ गते प्रदेश स्थापना तथा सहिद दिवसका अवसरमा कर्णाली प्रदेशभर सार्वजनिक बिदा हुने भएको हो ।
कर्णाली प्रदेको आन्तरिक मामिला तथा कानुन मन्त्रालयले एक सूचना जारी गर्दै भदौ ४ गते कर्णाली प्रदेशमा सार्वजनिक बिदा हुने जानकारी दिएको छ । उक्त सूचना अनुसार गत वैशाख १७ गते बसेको कर्णाली सरकार मन्त्रिपरिषद्को बैठकले बिदा दिने निर्णय गरेको थियो ।
भदौ ४ गते मंगलबार कर्णाली प्रदेशका सबै सरकारी तथा सार्वजनिक सङ्घ संस्थाहरू बन्द रहने छन् ।
