सोसल मिडिया
रुकुम पश्चिममा एक पुरुष मृत अवस्थामा फेला परेका छन् ।
जिल्लाको त्रिवेणी गाउँपालिका ४ खुम्चेरीका ४२ बर्षिय डिलबहादुर बुढा सुतिरहेको कोठामा मृत अवस्थामा फेला परेका हुन् ।
त्रिवेणी गाउँपालिका वडा नम्वर ४ का वडा अध्यक्ष नन्नराम बाँठाले स्थानीय मोहबिर खत्रीको घरमा गएर सुतेका बुढा मृत अवस्थामा फेला परेको बताउनुभयो । उहाँको शरिरमा चोट रहेको समेत उहाँले जानकारी दिनुभयो ।
जिल्ला प्रहरी कार्यालय रुकुम पश्चिमका प्रहरी नायब उपरीक्षक (डिएसपी) नवराज पोखरेलका अनुसार घटना आईतबार बेलुका नै भएको र हत्या भएको आशंका गरिएको छ ।
घटनाको जानकारी पश्चात प्रहरी चौकी झुल्नेटाबाट एक टोली र जिल्ला प्रहरी कार्यालयबाट प्रहरी निरीक्षक बखत बहादुर शाहीको नेतृत्वमा अनुसन्धान टोली घटनास्थलमा पुगेको डिएसपी पोखरेलले जानकारी दिनुभयो ।
घटनास्थल मूचुल्का लगायतका काम भईरहेको र आवश्यक प्रक्रिया पुरा गरेर जिल्ला अस्पताल सल्लेमा पोष्टमार्टमका लागि शव ल्याउने तयारी भईरहेको प्रहरीको भनाई छ । घटनाको थप अनुसन्धान पछि थप विवरण खुल्ने बताईएको छ ।
