सोसल मिडिया
रुकुम पूर्वमा अरिङगालको टोकाईबाट एक जनाको मृत्यु भएको छ भने एक जना घाईते भएका छन् ।
जिल्लाको भूमे गाउँपालिका -९ चुन्वाङका २७ वर्षिय न्युटन घर्तीको बिहिबार बिहान करिब ३ बजे मृत्यु भएको हो ।
बुधबार सिस्ने गाउँपालिका वडा नम्बर ५ को धौलापैरा जंगलमा अरिङगालको टोकाईबाट गम्भिर घाईते भएका घर्तीलाई रुकुम पूर्व जिल्ला अस्पताल ल्याईएको थियो । उपचारकै क्रममा उहाँको मृत्यु भएको स्थानीय चन्द्र बिसीले जानकारी दिनुभयो ।
उहाँका अनुसार अहिले शव पोष्टमार्टमको लागि अस्पतालमै राखिएको छ ।
अरिङगालकै टोकाइबाट घाईते भएका सिस्ने गाउँपालिका वडा नम्बर ७ का २४ वर्षिय कमल रेउलेको भने स्वास्थ्य अवस्था सामान्य बन्दै गईरहेको छ । उहाँको अहिले जिल्ला अस्पतालमा उपचार भईरहेको बिसीले जानकारी दिनुभयो ।
