सोसल मिडिया
रुकुम पश्चिम । आठबिसकोटमा आकस्मिक अवतरण भएका दुई हेलिकोप्टर फर्किएका छन ।
आइतबार खराब मौसमको कारण आठबिसकोटमा आकस्मिक अवतरण गरिएको दुइ वटा हेलिकोप्टर आज सोमबार विहान १० बजे सुर्खेतका लागि उडेको जिल्ला प्रहरी कार्यालय रुकुम पश्चिमले जनाएको छ ।
आठबिसकोट नगरपालिका –९ को रंगशालामा आईतबार दिउँसो सिम्रिक एयर ( (नाईन एन –एकेडी) र नेपाली सेनाको (नाईन ए ०६६) कलसाईन हेलिकोप्टर खराव मौसमको कारण अवतरण भएका थिए ।
डोल्पाबाट सुर्खेततर्फ उडेका दुई हेलिकोप्टर आकस्मिक रुपमा आठबिसकोटमा अवतरण भएका थिए ।
सिम्रिक एयरको हेलिकोप्टरमा कर्णाली प्रदेश सरकारका मुख्यमन्त्री यामलाल कँडेलको टोली रहेको थियो भने नेपाली सेनाको हेलिकोप्टर एक सुत्केरी महिलाको उद्धार गरेर सुर्खेतका लागि उडेको थियो ।
अवतरण पछि मुख्यमन्त्रीको टोली सोही स्थानमा बास बसेको थियो भने सुत्केरीलाई एम्बुलेन्स मार्फत आइतबार राती नै सुर्खेत पठाइएको थियो ।
