सोसल मिडिया
नेपाल बिद्यार्थी संघ रुकुम पश्चिमको जिम्मेवारी हेमराज केसीले पाउनु भएको छ ।
आज उहाँलाई नेबि संघका केन्द्रीय अध्यक्ष दुजाङ शेर्पाले जिल्ला अध्यक्षको जिम्मेवारी दिनुभएको हो । लामो समयदेखि जिल्ला अध्यक्षको पद रिक्त रहेको र ३२ बर्षे उमेर हद पनि आकर्षित भएको भन्दै केसीलाई जिल्ला अध्यक्ष तोकिएको हो ।
उहाँलाई नेपाल बिद्यार्थी संघको विधान २०२७ को सातौ संशोधन २०७५ बमोजिम तीन महिना भित्र जिल्ला अधिवेशन सम्पन्न गर्नेगरी अध्यक्षको जिम्मेवारी प्रदान गरिएको हो ।
जिल्ला अध्यक्षको जिम्मेवारी प्राप्त गर्नुभएका केसी रुकुम पश्चिमको सानीभेरी गाउँपालिका वडा नम्वर ९ निवासी हुनुहुन्छ ।
अध्यक्ष जिम्मेवारी प्राप्त गर्नुभएका केसीलाई नेबि संघका पूर्व केन्दिय्र उपाध्यक्ष तथा नेपाली काँग्रेसका युवा नेता खड्कबहादुर डाँगीले बधाईसहित तोकिएको जिम्मेवारी पुरा गर्नको लागि शुभकाामना प्रदान गर्नुभएको छ । उहाँले केसीले नेबि संघको गतिशिलता र सक्रियताका लागि महत्वपूर्ण योगदान दिने विश्वास व्यक्त गर्नुभएको छ ।
