लगातारको बर्षाको कारण रुकुम पश्चिमको जिल्ला सदरमुकाम मुसिकोट नगरपालिका -१ स्थित पातुखोलामा पहिरो गएको छ । 

शुक्रबार बेलुका गएको पहिरोले पातुखोलामा रहेको चार वटा घुम्ती पसल बगाएको छ । 

जिल्ला प्रहरी कार्यालय रुकुम पश्चिमका प्रहरी नायब उपरीक्षक नवराज पोखरेलका अनुसार पहिरोले चार वटा घुम्ती पसल क्षतीग्रष्त भएका छन् । क्षतीको विवरण भने एकिन हुन बाँकि रहेको छ । अहिले पनि लगातार पानी परिरहेको छ । 

किराना तथा फलफूल पसल सञ्चालित घुम्ती पसल पहिरोले बगाएको हो । समयमै सजक रहेको कारण मानविय क्षति भने नभएको प्रहरीको भनाई रहेको छ ।