सोसल मिडिया
रुकुम पश्चिमको चौरजहारीमा ६०औं राष्ट्रिय बाल दिवसको अवसरमा विभिन्न कार्यक्रमहरु हुने भएका छन् ।
चौरजहारी नगरपालिकाको आयोजना तथा नगर बाल सञ्जाल चौरजहारीको सहकार्यमा भदौ २९ गतेका दिन शीतल माध्यमिक विद्यालय चौरजहारीमा विभिन्न प्रतियोगितात्मक कार्यक्रमहरु सञ्चालन हुने भएका छन् ।
नगर बाल सञ्जाल चौरजहारीका अध्यक्ष दिपक डाँगीका अनुसार दिवसको अवसरमा तहगत रुपमा हिसाब दौड, हाजिरी जवाफ, निबन्ध र सन्देशमूलक गीत तथा नृत्य प्रतियोगिता आयोजना गरिएको छ ।
हिसाब दौड प्रतियोगिता आधारभूत तह (कक्षा १ देखि ५ सम्म) का विद्यार्थीहरु बिचमा र हाजिरी जवाफ प्रतियोगिता आधारभूत तह (कक्षा ६ देखि ८) का विद्यार्थीहरु बिचमा प्रतिश्पर्धा हुनेछ ।
‘बालबालिकामा लगानी : सुनिश्चित भविष्यको थालनी’ भन्ने मूल नाराका साथ दिवस मनाउन थालिएके हो । सोहि नारालाई नै आधार बनाएर माध्यमिक तह (कक्षा ९ देखि १२) का बिद्यार्थीहरु बिचमा निबन्ध प्रतियोगिता समेत आयोजना गरिएको छ ।
त्यसैगरी वडा नम्वर १ देखि १४ सम्मका बाल क्लबहरुले भाग लिने पाउने गरी सन्देशमूलक गीत तथा नृत्य प्रतियोगिता समेत आयोजना गरिएको अध्यक्ष डाँगीले जनाउनुभयो ।
चौरजहारी नगरपालिकाले दिवसको अवसरमा सञ्चालन हुने यी प्रतियोगितात्मक कार्यक्रमहरुमा भाग लिन तथा उपस्थिति जनाउन नगरपालिका भित्रका विभिन्न सामुदायिक तथा संस्थागत विद्यालयहरुको लागि सूचना समेत जारी गरेको छ ।
