सोसल मिडिया
रुकुम पूर्वको पुथा उत्तरगंगा गाउँपालिकाको बोलेरो जीप बागलुङको गलकोट नगरपालिका वडा नम्बर २ भुङखानीमा दुर्घटना हुँदा तीन जनाको घटनास्थलमै मृत्यु भएको छ ।
काठमाडौबाट रुकुम पूर्व आउँदै गरेको रा १ झ २०० नम्वरको जीप शुक्रबार बिहान दुर्घटना भएको हो ।
दुर्घटनामा परेर पुथा उत्तरगंगा गाउँपालिकाकी उपाध्यक्ष ३३ बर्षिय भुपेन्द्रा बुढा र उहाँकी ६१ बर्षिया आमा गोपीमाया बुढाको मृत्यु भएको जिल्ला प्रहरी कार्यालय बागलुङका प्रहरी नायव उपरीक्षक विजय यादवले जानकारी दिनुभयो ।
दुर्घटनामा परेर अर्का एक पुरुषको पनि मृत्यु भएको छ भने एक जना गम्भिर घाईते हुनुहुन्छ । उहाँहरु दुबै जनाको पहिचान खुल्न सकेको छैन ।
आज बिहान पौने ९ बजेतिर सडकबाट करिब ३ सय मिटर तल खस्दा तीन जनाको मृत्यु भएको हो । घटनास्थलबाट एक जना घाइतेलाई उद्धार गरी उपचारका लागि अस्पताल पठाइएको छ ।
उपाध्यक्ष बुढा काठमाडौबाट आमासहित रुकुम पूर्व फर्कने क्रममा दुर्घटनामा पर्नुभएको हो । बिरामी आमालाई काठमाडौबाट उपचार गरेर फर्कने क्रममा दुर्घटनामा पर्नुभएको हो ।
