रुकुम पश्चिममा बलात्कार मुद्धामा फरार एक प्रतिवादी पक्राउ परेका छन् । 

जिल्ला प्रहरी कार्यालय रुकुम पश्चिमले जबरजस्ती करणी (बलात्कार) मुद्धामा दोषी करार भएका एक पुरुषलाई दुई वर्ष दुईपछि पक्राउ परेको हो । 

पक्राउ पर्नेमा जिल्लाको त्रिवेणी गाउँपालिका वडा नम्वर १ रुघाको माथीगाउँ बस्ने २९ वर्षीय ध्रुव बहादुुर बिक भन्ने सुवर्ण कामी रहेको जिल्ला प्रहरी कार्यालय रुकुम पश्चिमका सुचना अधिकारी प्रहरी निरीक्षक बखत बहादुर शाहीले जानकारी दिनुभयो । 

उहाँका अनुसार कामीलाई निजकै घर नजिक फेला पारेर आज सोमबार बिहान पक्राउ गरिएको हो । उनी बिरुद्ध रुकुम जिल्ला अदालतबाट बलात्कार मुद्धामा २०७९ असार ११ गते २ वर्ष ५ महिना कैद सजाय फैसला भएको थियो । 

फैसला कार्यान्वयनको सिलसिलामा प्रहरीले फरार प्रतिवादीलाई पक्राउ गरेको हो । पक्राउ परेका कामीलाई कैद सजाय असुल उपरको लागि आजै जिल्ला अदालतमा उपस्थित गराएर कारागार चलान गरिएको प्रहरी निरीक्षक शाही जनाउनुभयो ।