सोसल मिडिया
रुकुम पश्चिमको चौरजहारी नगरपालिकले १० औ संविधान दिवस तथा राष्ट्रिय दिवसको अवसरमा बृहत प्रभातफेरी र फलफूल वितरण कार्यक्रम गरेको छ ।
दिवसको अवसरमा चौरजहारी बजार क्षेत्रमा प्रभातफेरी र चौरजहारी अस्पतालमा भर्ना भएका बिरामीहरुलाई फवलफूल वितरण गरिएको हो ।
चौरजहारी नगरपालिकाका निमित्त प्रमुख प्रशासकीय अधिकृत शेर प्रसाद ढकालका अनुसार तीन दिनसम्म नगरपालिका र मातहतका कार्यालयमा राष्ट्रिय झण्डा सजाउनुका साथै दिप प्रज्वलन समेत गरिएको बताउनुभयो । नेपालको संविधान जारी भएको दिनको अवसरमा आज बिहिबारका दिन प्रभातफेरी र फलफूल वितरणका साथै औपचारिक समारोहको कार्यक्रम गरिएको उहाँले जनाउनुभयो ।
दिवस विशेष कार्यक्रममा सहभागी शिक्षक, विद्यार्थी, जनप्रतिनिधि, राजनीतिक दल, कर्मचारी, व्यापारी, वुद्धिजीवि, सङ्घसंस्था, सुरक्षाकर्मी, पत्रकार लगायत सबैलाई नगरपालिकले आभारसहित हार्दिक धन्यवाद व्यक्त गरेको छ ।
दिवसकै अवसरमा नगर प्रमखु पुष्प वादीले शुभकामना सन्देश समेत जारी गर्नुभएको छ ।
