रुकुम पश्चिमको मुसिकोट नगरपालिका -१३ मा रहेको प्रभात माध्यमिक विद्यालय दोपाईमा बालबालिकाहरुलाई पोशाक वितरण गरिएको छ । 

वडा नम्वर १३ को कार्यालयले बालबालिकाहरुलाई पोशाक वितरण गरेको हो । आज एक कार्यक्रमका बिच नगर उप प्रमुख बिमल कुमार पुनको प्रमुख आतिथ्यतामा पोशाक वितरण गरिएको हो । 

वडा अध्यक्ष खलबहादुर खड्काका अनुसार वडा सरकारका तर्फबाट शिशु कक्षा देखि कक्षा ५ सम्म अध्ययनरत १३४ जना बालबालिकाहरुलाई विद्यालय पोशाक वितरण गरिएको हो । 

कार्यक्रममा मुसिकोट नगरपालिकाका उप प्रमुख बिमल कुमार पुन, नगर शिक्षा शाखाका शिक्षा अधिकृत नरेन्द्र ओली, विद्यालय व्यवस्थापन समितिका पदाधिकारीहरु, शिक्षक तथा विद्यार्थीहरु लगायतको उपस्थिति रहेको थियो ।