सोसल मिडिया
बाँकेको नेपालगञ्जबाट रुकुम पश्चिमको चौरजहारी आउँदै गरेको यात्रुवहाक फोर्स गाडि सल्यानमा दुर्घटना भएको छ ।
लु २ ख ५००२ नम्वरको फोर्स गाडि सल्यानको कुमाख गाउँपालिका ३ बुरेलीखोलामा दुर्घटना हुँदा १६ जना यात्रु घाईते भएका छन् । ईलाका प्रहरी कार्यालय रागेचौरका प्रहरी निरीक्षक धर्मेन्द्र खड्काका अनुसार आज बिहिबार बिहान ४ बजे गाडि दुर्घटना भएको हो ।
दुर्घटनामा परेर १६ जना घाईते भएको प्रहरी निरीक्षक खड्काले जानकारी दिनुभयो । घाईते मध्य चार जनाको अवस्था गम्भिर रहेको र १२ जना सामान्य रहेको उहाँले जनाउनुभयो । सबै घाईतेहरुको उद्धार गरेर उपचारको लागि चौरजहारी अस्पताल ल्याईएको छ ।
ब्रेक फेल भएको कारण गाडि दुर्घटना भएको बताईएको छ । घटनाको पुरा विवरण आउन बाँकि रहेको छ ।
