रुकुम पश्चिमको सानीभेरी गाउँपालिकास्थित बेल्टापु रंगशालामा भएको प्रथम फुक्रु टि ट्वाईन्टी (२०) क्रिकेट तथा खसी कप २०८१ मा सानीभेरी गाउँपालिका वडा नम्वर ७ को टिम विजेता भएको छ । 

बिहिबार भएको फाईनल खेलमा सानीभेरी ७ विजेता बनेको हो । विजेता टिमले खसी हात पारेको आयोजक टिम फुक्रुले जानकारी दिएको छ । त्यसैगरी उक्त प्रतियोगितामा वडा नम्वर ११ को टिम उप विजेता बनेको छ । 

प्रथम फुक्रु टि ट्वाईन्टी (२०) क्रिकेट तथा खसी कप २०८१ मा विभिन्न वडाका १५ टिमको सहभागिता रहेको थियो । आयोजक समितिका कुशल भण्डारीका अनुसार विजेता टिमलाई खसी र उप विजेता टिमलाई नगद दुई हजार रुपियाँ पुरस्कार दिईएको छ । 

विजयादशमीको अवसरमा आयोजना गरिएको यस प्रतियोगितामा सानीभेरी गाउँपालिका भित्रका वडामा रहेका टिमहरुमा बिचमा मात्र प्रतिश्पर्धा गराईएको थियो ।