सोसल मिडिया
रुकुम पश्चिमको मुसिकोट नगरपालिका -१ मा रहेको झोलुंगे पुलबाट हाम्फालेर एक जनाको घटनास्थलमै मृत्यु भएको छ ।
आज शनिबार दिउँसो ४ बजे दसैँको टिका दिन मठ - सल्ले जोड्ने झोलुंगे पुलबाट हाम फाल्दा एक पुरुषको मत्यु भएको प्रहरीले जनाएको छ ।
जिल्ला प्रहरी कार्यालयका प्रहरी निरीक्षक ऋषि पाठकका अनुसार घटनास्थल नजिकै एक रातो ज्याकेट रहेको र त्यस ज्याकेटमा मुसिकोट नगरपालिका १ का ३७ वर्षीय बुद्धिराम बोहराको नागरिकता फेला परेको छ । प्रारम्भिक रुपमा मृतक बोहरानै रहेको अनुमान गरिएको उहाँको परिवारका सदस्यहरुलाई घटनास्थलमा बोलाईएको उहाँले जानकारी दिनुभयो ।
घटनास्थलमा रहनुभएका प्रहरी निरीक्षक पाठकले अग्लो पुलबाट हाम्फालेर तल रहेका ढुंगामा परेको कारण शव रक्ताम्य रहेको छ । निधारमा दसैँको टिका समेत लगाएको हुनसक्ने बताईएको छ ।
आफन्त आएमा आवश्यक कानूनी प्रक्रिया पुरा गरेर पोष्ट मार्टमका लागि जिल्ला अस्पताल सल्लेमा लिने तयारी प्रहरीको रहेको छ ।
