सोसल मिडिया
राष्ट्रिय प्रजातन्त्र पार्टी (राप्रपा) निकट राष्ट्रिय प्रजातान्त्रिक युवा संगठन रुकुम पश्चिमको जिल्ला अधिवेशन सम्पन्न भएको छ ।
मंगलबार जिल्ला सदरमुकाम मुसिकोटमा भएको अधिवेशनबाट बिक्रम परियार अध्यक्षतामा ३५ सदस्यीय जिल्ला कार्यसमिति चयन गरिएको पार्टीका युवा नेता निर्जल केसीले जानकारी दिनुभयो ।
उहाँका अनुसार संगठनको उपाध्यक्षमा सन्जु विक र सुमन भण्डारी, सचिवमा अजय चन्द, सहसचिवमा प्रेम आरसी र कोषाध्यक्षमा पुजा ददेल चयन हुनुभएको छ ।
पार्टीका जिल्ला अध्यक्ष बिनोद कुमार शाहको अध्यक्षतामा भएको अधिवेशनमा पार्टीका सहायक महामन्त्री सौरेन्द्र बहादुर शाहको प्रमुख आतिथ्यता रहेको थियो भने केन्द्रिय सदस्य दिपक कुमार मल्लको बिशेष आतिथ्यता रहेको थियो ।
