सोसल मिडिया
रुकुम पश्चिमको आठविसकोट नगरपालिका –१० कोटगाउँमा जीप दुर्घटना भएको छ ।
मंगलबार बेलुका राडि बजारबाट कटेली कोटगाउँ हुँदै वडा नम्वर ८ को घर्तीगाउँतर्फ गईरहेको लु १ ज १७१७ नम्वरको जीप दुर्घटना भएको हो । दुर्घटनामा परेर तीन जना यात्रुहरु घाईते हुुनुभएको छ ।
घटनास्थलमा रहनुभएका स्थानीय नविन बिक्रम शाहका अनुसार घाईते हुनेहरुमा आठबिसकोट नगरपालिका वडा नम्वर १० का निर्मल परियार, वडा नम्वर ११ का कर्णबहादुर सार्की र वडा नम्वर ८ का अमर घर्ती रहनुभएको छ । जीपमा चालकसहित १६ जना यात्रु रहेतापनि अन्यको अवस्था भने सामान्य रहेको छ ।
घाईतेहरुको टाउको र निधारमा चोट लागेको बताईएको छ । घाईतेहरुलाई स्थानीयले उद्धार गरेर उपचारको लागि आठबिसकोट नगर अस्पतालमा लिएका छन् ।
उकालोमा ब्रेकफेल भएका कारण दुर्घटना भएको बताईएको छ । जीप उकालोमा बन्द भएर करिब ३० मिटर पछाडि आएको बताईएको छ। दुर्घटनाको अन्य विवरण आउन बाँकि रहेको छ ।
