रुकुम पूर्वको रुकुमकोटबाट काठमाडौ जाँदै गरेको रात्री बस दुर्घटना हुँदा एक बिदेशीसहित ६ जना गम्भिर घाईते भएका छन् । 

जिल्ला प्रहरी कार्यालय बागलुङका अनुसार बुधबार दिउँसो साढे ४ बजेतिर रूकुम पुर्वबाट काठमाडौं जाँदै गरेको ना ८ ख ८४१४ नम्बरको बस बागलुङको निसिखोला गाउँपालिका ६ को जाउलेपानीमा दुर्घटना परेको थियो । 

निसिखोला गाउँपालिका उपाध्यक्ष प्रेम घर्तीमगरका अनुसार दुर्घटनामा परेर २१ जना घाईते भएको र घाईते मध्य ६ जनाको अवस्था गम्भिर रहेको छ । एक बिदेशी महिलासहित ६ जनालाई उपचारका लागि बुर्तिबाङ प्राथमिक केन्द्र बागलुङमा लगिएको छ । 

अन्य घाईतेहरुको अवस्था भने सामान्य रहेको छ । बस ब्रेक फेल भएर दुर्घटना भएको प्रारम्भिक अनुमान प्रहरीको रहेको छ । घटनाको थप विवरण भने आउन बाँकी रहेको छ ।