रुकुम पश्चिम । समाजवादी नेपाल जिल्ला संयोजन समिति (समाजवादी मोर्चा) रुकुम पश्चिमको जिल्ला संयोजकमा चन्द्र सी चयन हुनुभएको छ । 

आईतबार मुसिकोटमा बसेको मोर्चाको बैठकले नेकपाका जिल्ला ईन्चार्ज चन्द्र सीलाई जिल्ला संयोजकको जिम्मेवारी दिएको हो । यस अघि माओवादी केन्द्रका जिल्ला संयोजक गोबिन्द रोका सचिन मोर्चाको संयोजक हुनुहुन्थ्यो ।  

समाजवादी मोर्चा नेपालको कार्यविधि, २०८० बमोजिम समितिको संयोजक आलोपालो प्रणाली अनुसार हुने व्यवस्था रहेको छ । मोर्चामा विभिन्न तीन वटा राजनैतिक दल आबद्ध रहेका छन् भने ६ सदस्यीय जिल्ला संयोजन समिति रहेको छ ।  

मोर्चामा (नेकपा माओवादी केन्द्र), नेकपा (एकीकृत समाजवादी) र  नेपाल कम्युनिष्ट पार्टी (नेकपा) रहेका छन् । समाजवादी घटक दलहरु एक ठाउँमा रहेर राजनीति र विकासका सवाल सकारात्मक कार्य गर्न उक्त समिति बनाईएको बताईएको छ ।