सोसल मिडिया
रुकुम पश्चिमको चौरजहारी नगरपालिका -१४ का एक युवाको स्कुटर दुर्घटनामा परेर मृत्यु भएको छ ।
कास्कीको पोखरामा महानगरपालिका वडा नम्वर ३१ लाँकुरीमा स्कुटर दुर्घटना हुँदा चौरजहारी नगरपालिका वडा नम्वर १४ निवासी २३ वर्षीय मौसम पुन मगरको मृत्यु भएको छ ।
बेगनास भोर्लेटार सडकखण्डमा बा ७९ प ५८७७ नम्बरको स्कुटर सडकबाट करिब ९५ फिट तल खस्दा चालक मगरको घटनास्थलमै मृत्यु भएको जिल्ला प्रहरी कार्यालय कास्कीले जनाएको छ ।
तीव्र गतिमा चलाइएको स्कुटर अनियन्त्रित भएर दुर्घटना भएको प्रहरीको अनुमान छ ।
कास्की प्रहरीका सूचना अधिकारी डीएसपी वसन्तकुमार शर्माका अनुसार दुर्घटना एक, दुई दिन अघि नै भएको अनुमान गर्न सकिन्छ । तर जानकारी मंगलबार दिउँसो करिब २ बजेतिर मात्र पाइएको हो ।
चालक पुनको शव भिरमा अड्किएको थियो । पुनका परिवारजन बुधबार पोखरा पुगिसकेको बताईएको छ । पोष्टमार्टम गरेर शव घरतर्फ ल्याउने बताईएको छ ।
