सोसल मिडिया
रुकुम पश्चिमको चौरजहारी नगरपालिका –३ मा अटो रिक्सा दुर्घटना भएको छ । दुर्घटनामा परेर दुई जना घाईते भएका छन् ।
जिल्ला प्रहरी कार्यालय रुकुम पश्चिमका अनुसार बुधबार बेलुका ६ः१५ बजे चौरजहारी बजारबाट वडा नम्वर ८ तर्फ गईरहेको भे १ ह ५९९७ नम्वरको अटो अटो वडा नम्वर ३ को कार्यालय नजिकै दुर्घटना भएको हो ।
दुर्घटनामा परेर चौरजहारी नगरपालिका -८ गोईरीजिउलाका २८ वर्षीय योगेश्वर पुन र सोहि स्थानका १८ वर्षीय प्रकाश पुन घाईते हुनुभएको छ । घाईते मध्य योगेश्वरको अवस्था गम्भिर र प्रकाशको अवस्था सामान्य रहेको बताईएको छ । दुवै जना घाईतेहरुलाई उपचारका लागि चौरजहारी अस्पतालमा लिईएको प्रहरीले जनाएको छ ।
अटो चौरजहारी नगरपालिका -८ कै ३० वर्षीय लोकेन्द्र घर्तीले चलाएको बताईएको छ । चालकले मदिरा सेवन गरेर तिब्र गतिमा अटो चलाएकोले अनियन्त्रित भई दुर्घटना भएको स्थानीयले जनाएका छन् ।
अटोमा सवार चार जना मध्य अन्य दुई जना भने सकुशल रहेका छन् । चालकलाई प्रहरीले नियन्त्रणमा लिएको छ ।
