नेकपा (एस) को कर्णाली प्रदेश अध्यक्षमा रुकुम पश्चिमका ठकेन्द्र पुरी निर्वाचित

नेकपा (एकिकृत समाजवादी) को कर्णाली प्रदेश अध्यक्षमा रुकुम पश्चिमको बाँफिकोट गाउँपालिका निवासी ठकेन्द्र प्रकाश पुरी निर्वाचित हुनुभएको छ । 

सुर्खेतको वीरेन्द्रनगरमा भएको नेकपा (एकिकृत समाजवादी) कर्णाली प्रदेश कमिटीको प्रथम अधिवेशनबाट पुरी अध्यक्षमा निर्वाचित हुनुभएको हो । 

सोमबार देखि सुरु भएको अधिवेशनले पुरीको अध्यक्षतामा १३१ सदस्यीय प्रदेश कमिटी सर्वसम्मत चयन भएको हो । कमिटीको सचिवमा धिरबहादुर बिष्ट र उपसचिवमा धन कुमारी जिसी निर्वाचित हुनुभएको छ । 

प्रदेश कमिटी सदस्यमा रुकुम पश्चिमबाट बिरबहादुर शाही, रबिन्द्र कुमार विस्ट, हिरा रेउले पुरी र पहलसिं परियार निर्वाचित हुनुभएको छ ।