सोसल मिडिया
नेपाल रेडक्रस सोसाइटी रुकुम पश्चिम शाखाले अपाङता भएका व्यक्तिहरुलाई सहायता सामाग्री र विद्यालयहरुमा बालमैत्रीस्थल निर्माणका लगि सामाग्री प्रदान गरेको छ ।
आईएफआरसीको सहयोगमा सञ्चालिन कर्णाली भूकम्प पुनर्लाभ कार्यक्रम अन्तर्गत रेडक्रसले उक्त सहयोग प्रदान गरेको हो ।
रेडक्रसका कार्यक्रम संयोजक सरोज थापाका अनुसार बुधबार त्रिवेणी गाउँपालिका वढा नम्वर ९ चौतारामा अपाङगता भएका व्यक्तिहरुलाई सहायता सामाग्री वितरण गरिएको छ । वडा कार्यालयमा आयोजित एक कार्यक्रमका बिच चार जना अपाङगता भएका व्यक्तिहरुलाई सहायता सामाग्री प्रदान गरिएको हो ।
त्यसैगरी रेडक्रसले त्रिवेणी गाउँपालिका तीन वटा विद्यालयमा बालमैत्रीस्थल निर्माणका लागि शैक्षिक सामाग्री तथा खेलकुदका सामाग्रीहरु हस्तान्तरण गरेको छ ।
कार्यक्रम संयोजक थापाका अनुसार जनहित आधारभूत विद्यालय चौतारा, हिमालय जनता माध्यमिक विद्यालय नुवाकोट र बालकल्याण माध्यमिक विद्यालय टोड्केमा उक्त सामाग्रीहरु हस्तान्तरण गरिएको हो ।
नेपाल रेडक्रस सोसाइटी रुकुम पश्चिम शाखाका सभापति रमा गौतम, शाखाका अन्य पदाधिकारीहरु, कर्मचारीहरु लगायतको टोलीले उक्त सामाग्रीहरु हस्तान्तरण गरेको हो ।
