सोसल मिडिया
रुकुम पश्चिमको आठबिसकोट नगरपालिकाका निमित्त प्रमुख प्रशासकीय अधिकृत मणि राज शाहको बिदाई गरिएको छ ।
२०७८ भदौ २१ गते देखि २०८१ कात्तिक १४ गते सम्म निमित्त प्रमुख प्रशासकीय अधिकृत पदमा कार्यरत रहि स्वैच्छिक अवकाश हुनुभएका शाहलाई एक कार्यक्रमका बिच कार्यालयबाट बिदाई गरिएको नगरपालिकाले जनाएको छ ।
यससँगै नगरपालिकाको निमित्त प्रमुख प्रशासकीय अधिकृतको जिम्मेवारीमा नगरपालिकामा कार्यरत इन्जिनियर राजेश गौतमले पदभार गर्नुभएको छ । निमित्त प्रमुख प्रशासकीय अधिकृत मणि राज शाहले पदबाट राजिनामा दिएपछि सिनियर कर्मचारीको आधारमा पालिकाले गौतमलाइ सिफारिस गरि सामान्य प्रशासन मन्त्रालयमा पठाइएको थियो ।
सोही सिफारिसको आधारमा मन्त्रालयले गौतमलाई निमित्त प्रमुख प्रशासकीय अधिकृतको जिम्मेवारी दिएको थियो ।
निमित्त प्रमुख प्रशासकीय अधिकृत पदमा कार्यरत मणि राज शाहको बिदाईपछि गौतमले आज पदभार ग्रहण गर्नुभएको हो । आज पालिकामा स्वागत तथा बिदाई कार्यक्रम आयोजना गरिएको थियो ।
उक्त कार्यक्रममा नगर प्रमुख रबि केसी, उपप्रमुख धनकुमारी शाही, वडा अध्यक्षहरु, कार्यालयमा कार्यरत कर्मचारी लगायतको उपस्थिति रहेको थियो ।
