सोसल मिडिया
रुकुम पुर्वको पुथाउत्तरगंगा गाउँपालिका वडा नम्वर २ को अध्यक्षमा नेकपा (माओवादी केन्द्र) का उम्मेदवार जगत घर्ती निर्विरोध निर्वाचित हुनुभएको छ ।
गाउँपालिका अध्यक्ष पुनिराज घर्तीका अनुसार वडा अध्यक्षका अन्य दुई जना उम्मेदवारले आफ्नो उम्मेदवारी फिर्ता लिएपछि घर्ती निर्विरोध वडाध्यक्ष निर्वाचित हुनुभएको हो ।
वडा अध्यक्षका लागि एमालेबाट उम्मेदवार रहनु भएका जीवन रोका र स्वतन्त्र उम्मेदवारी दिनुभएका शुक्रराज विकले उम्मेदवारी फिर्ता लिनुभएको हो। पालिकामा रिक्त उपाध्यक्ष र वडाध्यक्षका लागि कांग्रेस एमालेले गठबन्धन गरेका छन्। निर्वाचन आयोगको कार्यतालिका अनुसार आज उम्मेदवारी फिर्ता लिने अन्तिम दिन हो।
घर्ती निर्वाचित भएको घोषणा आयोगले भने गर्न बाँकी छ।
