रुकुम पश्चिम । रुकुम पश्चिममा आफ्नै बुवाको हत्या गरी फरार रहेका वीरबहादुर खत्रीलाई प्रहरीले पक्राउ गरेको छ ।  जिल्लाको आठबिसकोट नगरपालिका १० घारीखोलाका २० वर्षीय खत्रीलाई आफ्नै बुवाको हत्या गरेको अभियोगमा प्रहरीले मंगलबार पक्राउ गरेको हो ।  

आइतबार साझ खत्रीले ५१ वर्षीय बुवा खड्कसिं खत्रीलाई धारिलो हतियार (चक्कु) प्रहार गरी हत्या गरेर फरार भएका थिए । 

घटनापछि गाउँमै लुकिछिपी बसेको अवस्थामा तीनदिनपछि मात्रै उनलाई प्रहरीले फेला पारेको हो। जिल्ला प्रहरी कार्यालयका डिएसपी नवराज पोखरेलका अनुसार, पक्राउ पछि उनलाई हिरासतमा राखेर अनुसन्धान प्रक्रिया अगाडि बढाइएको छ।