रोल्पाको रुन्टीगढी गाउँपालिका –४ मा नेपाली कांग्रेसका भुपमणी पुन मगर वडाध्यक्षमा निर्वाचित हुनु भएको छ। उपनिर्वाचनमा खसेको एक हजार दुईसय ९७ मतमध्ये ६ सय ४३ मत ल्याएर पुन मगर विजयी हुनु भएको हो । 

उहाँका निकटतम प्रतिद्वन्दी नेकपा (एमाले) का बेगम पुनले ५ सय ३५ मत ल्याएर पराजित हुनुभयो । नेकपा (माओवादी केन्द्र) का नरेश सिंहले ७०, राप्रपाका पहलबहादुर वलीले १० मत र राष्ट्रिय स्वतन्त्र पार्टीमा उमेद्वार हिम बहादुर पुनले ७ मत प्राप्त गर्नुभएको छ । 

२०७९ को चुनावमा पनि कांग्रेसले नै जितेको थियो । त्यो चुनावमा कांग्रेसका टंकबहादुर पुनले ४८८ मत ल्याएर जित्दा एमालेका बेगम पुनले ४८० मत ल्याउनुभएको थियो।