मध्यपहाडि राजमार्ग अन्तर्गत जाजरकोटको भेरी नगरपालिका १० नुवागाउँमा जिप दुर्घटना हुँदा दुई जनाको घटनास्थलमै मृत्यु भएको छ । 

बुधबार बेलुका नुवागाउँको कृष्ण मन्दिर नजिकैको भिरबाट जिप खसेको बताईएको छ । सिंह एण्ड ब्रदर्स निर्माण सेवा प्रा. लि. को बोलेरो जिप दुर्घटना भएको स्थानीयले बताएका छन् । 

जिपमा सवार चार जना मध्य दुई जनाको घटनास्थलमै मृत्यु भएको छ भने एक जनाको घाईते अवस्थामा उद्धार गरिएको छ । एक जना बेपत्ता रहेका छन् । घाईतेको खोजि भईरहेको छ । 

घटनास्थलतर्फ प्रहरी पठाईएको जिल्ला प्रहरी कार्यालय जाजरकोटले जानकारी दिएको छ । जिप सडकबाट करिब तीन सय मिटर तल खसेको बताईएको छ । 

मृतक र घाईतेको पहिचान हुन सकेको छैन । घटनाको पुरा विवरण प्राप्त नभएको प्रहरीले जनाएको छ ।