सोसल मिडिया
रुकुम पश्चिममा अटो रिक्सा दुर्घटना हुँदा तीनजना घाइते भएका छन् । जिल्लाको बाँफिकोट गाउँपालिका वडा नं ७ बडाखोला स्थित सडकमा भे १ ह ५२१२ नम्बरको अटो दुर्घटना भएको हो ।
जिल्ला प्रहरी कार्यालय रुकुम पश्चिमका प्रहरी निरीक्षक ऋषि पाठकका अनुसार अटो दुर्घटनामा परेर तीनजना यात्रु घाइते हुनुभएको छ ।
घाइते हुनेहरुमा आठबिसकोट नगरपालिका वडा नम्बर १० निवासी ६० वर्षीया नवी खत्री, सोही स्थान निवासी २३ वर्षीया समीक्षा खड्का र ७१ वर्षीय वीरमान खत्री रहेको प्रहरीले जनाएको छ ।
आठाबिसकोट नगरपालिका १० निवासी २३ वर्षीय विष्णु बिकले चलाएको अटो ब्रेक फेल भई भित्तामा ठोकिएर दुर्घटना भएको बताइएको छ ।
घाइतेहरूलाई उपचारको लागि जिल्ला अस्पताल सल्लेमा ल्याईएको छ । घाइतेहरूको अवस्था सामान्य रहेको बताइएको छ ।
