रुकुम पश्चिमको मुसिकोट नगरपालिका -१ स्थित मठबाट सल्ले जोड्ने झोलुङ्गे पुलबाट हाम्फालेर एक युवाको मृत्यु भएको छ । 

बुधबार दिउँसो पुलबाट हाम्फालेका रुकुम पूर्वको सिस्ने गाउँपालिका वडा नम्वर ७ नाथिगार घर भई हाल मुसिकोट खलंगा बस्ने २७ वर्षीय लक्ष्मण नेपालीको घटनास्थलमै ज्यान गएको जिल्ला प्रहरी कार्यालयका सूचना अधिकारी प्रहरी निरीक्षक ऋषि पाठकले जानकारी दिनुभयो । 

पुलबाट हाम्फालेका नेपालीको शव पुलमुनि फेला परेको र मुचुल्का बनाउने काम भईरहेको छ । घटनास्थल मुचुल्कापश्चात मृतकको शव पोष्टमार्टमको लागि जिल्ला अस्पताल सल्ले पठाईने बताईएको छ । घटनाको थप अनुसन्धान सुरु भएको प्रहरी निरीक्षक पाठकले जानकारी दिनुभयो ।