सोसल मिडिया
रुकुम पश्चिमको मुसिकोट नगरपालिका -५ थर्पुस्थित धार्मिक सामुदायिक महिला वनमा आगलागी भएको छ । बुधबार दिउँसो वनमा आगलागी भएको हो । आगलागी पश्चात मुसिकोट नगरपालिकाबाट गएको नगर प्रहरी टोली र स्थानीयवासीको सक्रियतामा आगो नियन्त्रण गरिएको नगर प्रहरी सहायक निरिक्षक उमेश केसीले जानकारी दिनुभयो ।
उहाँका अनुसार आगलागीको कारण खुलेको छैन । आगलागीबाट विभिन्न बोट बिरुवाहरु जलेर नष्ट भएका छन् ।क्षतिको विवरण भने संकलन गर्न बाँकि रहेको बताईएको छ ।
