जाजरकोटमा बाख्रा चराउन जङ्गल गएकी एक महिलाको भिरबाट लडेर मृत्यु भएको छ । 

रुकुम पश्चिमको आठबिसकोट नगरपालिका -९ बटालागाउँ घर भई जाजरकोटको नलगाड नगरपालिका ७ खगेनकोट बस्दै आउनु भएकी ४१ बर्षिया धनी परियारको मृत्यु भएको हो । 

उहाँ बिहिबार दिउँसो कोटखोला जङ्गलमा बाख्रा चराउन जानुभएको थियो । साझ ५ बजेतिर बाख्रा मात्रै घर गएपछी उहाँलाई खोजिकार्य गर्न गएको बेला लडेर अचेत अबस्थामा भेटिनु भएको थियो । लगतै नलगाड अस्पतालमा लगिएको भएतापनी उहाँलाई चिकित्सकले मृत घोषणा गरेका थिए ।

उहाँको घरमा ससुरा, श्रीमान, दुई छोरा र एक छोरी हुनुहुन्छ । - सन्तोष केसी