सोसल मिडिया
रुकुम पश्चिममा एक पुरुषको शव फेला परेको छ ।
जिल्लाको मुसिकोट नगरपालिका ७ साँखका ४७ वर्षीय तुल्सीराम घर्ती पाखागाँउस्थित आफ्नै गोठ नजिक मृत अवस्थामा फेला परेको प्रहरीले जनाएको छ ।
जिल्ला प्रहरी कार्यालय रुकुम पश्चिमका निमित्त प्रमुख प्रहरी निरीक्षक ऋषि पाठकका अनुसार गोठ नजिकैको कुलोमा घर्ती मृत अवस्थामा फेला पर्नुभएको हो ।
शुक्रबार बेलुका गोठमा घाँस हाल्न भनेर गएका घर्ती घर नफर्किएको र आज बिहान मृत फेला परेको प्रहरी निरीक्षक पाठकले जानकारी दिनुभयो ।
स्थानीयले प्रहरीलाई सूचना गरे लगत्तै अस्थायी प्रहरी बिट साँखबाट प्रहरी टोली घटनास्थलमा पुगेको छ । अहिले जिल्ला प्रहरी कार्यालयबाट प्रहरी निरीक्षक पाठकको नेतृत्वमा एक अनुसन्धान टोली घटनास्थल जाँदै गरेको बताईएको छ ।
मृत्युको कारण नखुलेको र घटनाको अनुसन्धान सुरु गरिएको प्रहरीले जनाएको छ ।
