सोसल मिडिया
नेकपा (माओवादी केन्द्र) आठबिसकोटको अध्यक्षमा मनिराज बटाला निर्वाचित हुनुभएको छ ।
सोमबार नगर कमिटीको नेतृत्व चयनका लागि भएको निर्वाचन मार्फत बटाला अध्यक्षमा निर्वाचित हुनुभएको हो ।
गत शनिबार पालिका अधिवेशन उद्घाटन भएको थियो । सहमति मार्फत नेतृत्व चयनको प्रयास विफल भएपछि आज मतदान भएको थियो । अध्यक्ष, उपाध्यक्ष्न र सहसचिव पदका लागि आज निर्वाचन भएको हो ।
अध्यक्ष पदमा निर्वाचित बटालाले २३ मत प्राप्त गर्नुभएको छ । उहाँका प्रतिस्पर्धी धनबहादुर बस्नेतले १३ र टिकाराम सुनारले ११ मत प्राप्त गर्नुभयो । त्यस्तै उपाध्यक्षमा ३२ मत प्राप्त गरी खुम्बे कुसारी, २८ मत प्राप्त गरी सिता शाह र २७ मत प्राप्त गरी टेकबहादुर थापा विजयी हुनुभएको छ ।
सह सचिवमा खुमराज ओलीले २८ मत प्राप्त गरी विजयी हुनुभएको छ । जम्मा ४८ मत खसेको थियो । सचिवमा दलजित विक र कोषाध्यक्षमा रुपा विक निर्विरोध निर्वाचित हुनुभएको छ । ६ जना पछि थप्ने गरी ४९ सदस्यीय नगर समिति चयन गरिएको नेकपा (माओवादी केन्द्र) आठबिसकोटले जानकारी दिएको छ । सदस्यहरु भने सर्वसम्मत चयन गरिएको छ ।
