सोसल मिडिया
काठमाडौ / अनलाईनको दुरुपयोग गरेर बिभिन्न व्यक्तिहरुलाई लाखौ रकम ठगि गर्ने एक युवालाई प्रहरीले पक्राउ गरेको छ ।
WhatsApp प्रयोगकर्ताहरुको मोबाइलमा सम्पर्क गरी विभिन्न व्यक्तिहरुलाई ठग्दै आएका रुकुम पूर्वको पुथा उत्तरगंगा गाउँपालिका रन्मामैकोट घर भई हाल नेपालटार काठमाडौ बस्ने २३ बर्षका विकाश गुरुङलाई पक्राउ गरिएको प्रहरीले जनाएको छ ।
विकासले WhatsApp प्रयोगकर्ताहरुको मोबाईलमा सम्पर्क गरी चिठ्ठा परेको छ, बिदेशबाट सामान पार्सल गरी आएको छ भनेर रकम र सामान लिदा कर तिर्नुपर्ने भन्दै लाखौ रकम ठगि गरेको प्रहरीको भनाई छ । उनको साथबाट नगद १९ लाख ६० हजार रकम बरामद गरेको समेत प्रहरीले जनाएको छ ।
बिदेशबाट आएको पार्सल लिन र चिठ्ठा परेको रकम दाबी गर्न कर तिर्नुपर्ने भन्दै उनले विभिन्न व्यक्तिको बैंक खातामा जम्मा गर्न लगाई ठगी गर्दै आएको अनुसन्धानबाट खुलेको र थप अनुसन्धान भैरहेको प्रहरीले जनाएको छ ।
गोप्य सूचनाको आधारमा उनलाई काठमाडौको गौरीधाराबाट ठगि गरेको रकम सहित कार्तिक २६ गते पक्राउ गरिएको र अहिले अनुसन्धानको लागि महानगरी प्रहरी परिसर राखिएको बताईएको छ ।
