सोसल मिडिया
सल्यानको बनगाड कुपिण्डे नगरपालिका -११ गलगौलमा एकै घरका दुई नाबालिका हत्या आरोपमा प्रहरीले मृतकका आमालाई पक्राऊ गरेको छ ।
बुधबार बिहान आफ्नै घरमा टेकमान राना र पुर्णिमा रानाका दुई नाबालिका छोरीहरु मृत अवस्थामा फेला परेका थिए ।
अन्दाजी साढे २ वर्षकी करिश्मा राना र ६ महिनाकी रागबी राना घरमै मृत भेटिएको वडा अध्यक्ष वीर बहादुर बुढामगरले जानकारी दिनुभयो । उहाँका अनुसार प्रारम्भिक अनुसन्धानपछि प्रहरीले मृतक नाबालिकाको आमा २६ वर्षीया पुर्णिमा रानालाई नियन्त्रणमा लिएको छ । बुवा तेजमान कामको सिलसिलामा नुवाकोट गएको बेला आमाको साथमा घरमा रहेकी नाबालिकाको हत्या भएको आशंका गरिएको छ ।
प्रहरीले थप अनुसन्धानको लागि नाबालिकाको आमालाई नियन्त्रणमा लगिएको जनाएको छ ।
