रुकुम पूर्व । रुकुम पूर्वको सिस्ने गाउँपालिका–५ धारापानीमा जिप दुर्घटना भएको छ ।

कास्कीको पोखराबाट रुकुमकोट आउँदै गरेको ग १ ज ७१०८ नम्बरको जिप विहान ३ः३० मा रुकुमकोटको धारापानीमा दुर्घटना जिल्ला प्रहरी कार्यालय रुकुम पुर्वका प्रहरी नायव उपरिक्षक माधव खरेलले जानकारी दिनुभयो ।

उहाँका अनुसार दुर्घटनामा परेर चार जना घाइते भएका छन । घाइते हुनेहरुमा पुथा उत्तरगंगा गाउँपालिका ५ का २२ वर्षीय प्रेम कामी, सोही स्थानका जीप चालक २१ वर्षीय जुतेस शेर्पाली, बारा घर भएका १८ वर्षीय सर्पराज देवा र बाराकै १८ वर्षीय चन्द कुमार देवा रहेका छन ।

जीपको स्पेनडल भाँचिएर टायर फुस्केपछि दुर्घटना भएको बताईएको छ । घाइतेहरुको जिल्ला अस्पताल रुकुम पुर्वमा उपचार भई रहेको छ । सबैको अवस्था सामान्य रहेको प्रहरीले बताएको छ ।