रुकुम पश्चिमको चौरजहारीमा रहेको रेडियो आफ्नो एफ.एम. नवौं वर्ष प्रवेश गरेको छ ।

चौरजहारी सामुदायिक विकास केन्द्र र मानव विकास तथा सामुदायिक सेवा केन्द्रद्वारा सञ्चालित आफ्नो एफ.एम. आजबाट आठ वर्ष पुरा गरेर नवौं वर्ष प्रवेश गरेको हो ।

सञ्चारको राम्रो पहुँच पुग्न नसकेका रुकुम पश्चिम जिल्ला र आसपासको क्षेत्रमा सूचना, समाचार, ज्ञान विज्ञान र मनोरञ्जनलाई जनतासम्म पुर्याउन निरन्तर प्रसारण रहेको छ ।

बार्षिकोत्सवको अवसरमा रेडियोका प्रवन्ध निर्देशक गोपाल प्रसाद रेग्मीले एक विज्ञप्ती जारी गर्दै रेडियोलाई विभिन्न तवरले सहयोग गर्ने श्रोता, विज्ञापनदाता, सहयोगी निकाय, शभेच्छुक तथा शुभ चिन्तकहरुलाई धन्यवादसहित शुभकामना व्यक्त गर्नुभएको छ ।

बार्षिकोत्सवको अवसरमा रेडियोले आज बिहान जिल्ला अस्पताल सल्लेमा भर्ना भएका बिरामीहरुलाई फलफूल वितरण समेत गरेको छ ।

अस्पतालमा रहेका २५ जना बिरामी र बिरामीका कुरुवालाई फलफूल वितरण गरिएको रेडियोका प्रवन्ध निर्देशक रेग्मीले जानकारी दिनुभयो । उहाँले यस अवसरमा बिरामीहरुको स्वास्थ्य लाभको कामना समेत गरिएको बताउनुभयो ।