सोसल मिडिया
रुकुम पश्चिमको मुसिकोट नगरपालिका -१ खलङगामा रहेको विजयश्वरी सेकेन्डरी इङलिस मिडियम बोर्डिङ स्कुलको २९औ बार्षिकोत्सव तथा अभिभावक भेला सम्पन्न भएको छ ।
जिल्लाकै जेठो संस्थागत विद्यालयका रुपमा परिचित यस विद्यालयले सप्ताहव्यापी रुपमा विभिन्न कार्यक्रमहरु सञ्चालन गरेर बार्षिकोत्सव सम्पन्न गरेको हो । आज विद्यालयमा एक औपचारिक कार्यक्रम गरेर बार्षिकोत्सव तथा अभिभावक भेला सम्पन्न भएको हो । बार्षिकोत्सवको अवसरमा आज प्रभातफेरि कार्यक्रमका साथ जिल्ला सदरमुकाम खलंगा बजार परिक्रमा गरिएको थियो ।
विद्यालयका सञ्चालक समिति अध्यक्ष अनिता कुमाई भण्डारीको अध्यक्षतामा भएको कार्यक्रममा मुसिकोट नगरपालिकाका प्रमुख महेन्द्र केसीको प्रमुख आतिथ्यता रहेको थियो । कार्यक्रमको सञ्चालन विद्यालयका प्रिन्सिपल जय बहादुर थापाले गर्नुभएको थियो । कार्यक्रममा विद्यालयको प्रगती प्रतिवेदन समेत प्रस्तुत गरिएको थियो ।
कार्यक्रममा विद्यालयका विद्यार्थी, शिक्षक, शिक्षिकाहरुले विभिन्न साँस्कृतिक प्रस्तुतीहरु प्रस्तुत गरेका थिए । यस अवसरमा विद्यालयले सञ्चालन गरेका विभिन्न प्रतियोगितामा उत्कृष्ट स्थान हाँसिल गर्न सफल विद्यार्थीहरुलाई पुरस्कार समेत वितरण गरिएको थियो ।
यसका साथै विद्यलालयमा कार्यरत उत्कृष्ट कर्मचारी, पूर्व कर्मचारी, सहयोगी निकायका विभिन्न व्यक्तिहरुलाई कदर पत्र र अतिथिहरुलाई मायाको चिनो प्रदान गरिएको थियो ।
औपचारिक समारोहका केहि तस्बिरहरु :
