सोसल मिडिया
रुकुम पश्चिमको चौरजहारी नगरपालिका -३ मा ट्याक्टर दुर्घटना भएको छ ।
शुक्रबार बेलुका करिब ८ बजे चौरजहारी नगरपालिका -३ को वडा कार्यालय नजिकै घारीपाखानेर रा १ त ३३९६ नम्वरको ट्याक्टर दुर्घटना भएको हो । ट्याक्टर दुर्घटनामा परेर सोहि नगरपालिका ९ निवासी २२ बर्षीय टाईगर परियार घाईते हुनुभएको छ ।
घाईते परियारको चौरजहारी अस्पतालमा प्राथमिक उपचारपछि थप उपचारको लागि रिफर गरिएको छ । अस्पतालका अनुसार उहाँको निधार र आँखाको बिच भागमा गहिरो चोट रहेको छ भने शरिरका अन्य भागमा समेत चोट रहेको छ ।
उहाँलाई नेपालगंज मेडिकल कलेज कोहलपुर लिदै गरेको उहाँका भान्जा कुशल बिकले जानकारी दिनुभयो । ट्याक्टरमा सहचालक निरज परियार समेत रहेको र उहाँको अवस्था सामान्य रहेको बताईएको छ ।
कालेगाउँबाट बालुवा लिएर कोटजहारी तर्फ जाँदै गरेको ट्याक्टर तिब्र गतिको कारण अनियन्त्रित भएर दुर्घटना भएको बताईएको छ ।
