रुकुम पूर्व / जिल्लाको भूमे गाउँपालिका ३ नम्वर वडाको क्याङ्सीमा आगलागीबाट एक घर जलेर नष्ट भएको छ ।

बुधबार दिउँसो एक्कासी आगलागी हुँदा सोही ठाउँका ढाँट रोकाको घर जलेर नष्ट भएको प्रहरीले जनाएको छ ।

मान्छे तथा पशु चौपाय केही नभएको खाली घर आगलागी भएको इलाका प्रहरी कार्यालय काँक्रीका इन्चार्ज सुविन शाहले जानकारी दिनुभयो । आगलागीबाट दुई तलाको तीन कोठे घर जल्दा करिव तीन लाख मूल्य बराबरको क्षति भएको उहाँले बताउनुभयो ।उक्त घरका मान्छेहरु अर्को ठाउँमा बस्ने गरेका इन्चार्ज शाहले बताउनुभयो ।

दिउँसो १ बजे लागेको आगो स्थानीय र प्रहरीको सहयोगमा पौने २ बजे नियन्त्रणमा लिइएको थियो । आगलागी हुनुको कारण बारे पत्ता नलागेको प्रहरीले जनाएको छ ।

सुक्खा याम सुरु भएसँगै आगलागीका घटना बढ्ने भएकाले सतर्कता अपनाउन प्रहरीले आग्रह गरेको छ ।