तीन महिने अभियानका साथ रुकुमका गाउँ जाँदै एमाले 

नेकपा (एमाले) रुकुम पश्चिमले तीन महिने पार्टी सुदृढिकरण अभियान चलाउने भएको छ । आईतबार बागबजारस्थित पार्टी कार्यालयमा बसेको चौथो पुर्ण बैठकले तीन महिनासम्म सम्बन्धित पालिका र वडाहरुमा कार्यक्रम तथा बैठक गरेर पार्टी सुदृढिकरणका गतिविधिहरु गर्ने निर्णय गरेको हो । 

वडा र गाउँमा केन्द्रित भएर ‘रुट’ अभियान सम्पन्न गर्न जिल्लामा तीन महिने अभियान सञ्चालन गर्न थालिएको जिल्ला अध्यक्ष नन्दराम देवकोटाले जानकारी दिनुभयो । बैठकले जिल्लाको पार्टीको लेखा परिक्षण गर्ने र रबिन्द्र देवकोटा, बिनाराम यरी र पैलमान घर्तीलाई जिल्ला कमिटीमा मनोनयन गर्ने समेत निर्णय समेत गरेको छ । 

यसका साथै बैठकले पार्टी अनुशासन बाहिर गएर क्रियाकलाप गर्ने जिल्ला कमिटी र मातहत कमिटी कारबाहि गर्ने र माथिल्लो कमिटीकालाई कारवाहीका लागी सम्बन्धित कमिटीमा सिफारिस गर्ने निर्णय गरेको जिल्ला अध्यक्ष देवकोटाले जनाउनुभयो । पार्टीको अनुशासनलाई कायम राख्न यस्तो निर्णय गरिएको उहाँको भनाई छ ।   

बैठकमा एमाले कर्णाली प्रदेश कमिटी ईन्चार्ज गोरख बोगटीको प्रमुख आतिथ्यता रहेको थियो भने प्रदेश कमिटी अध्यक्ष गुलावजंग शाहको विशेष आतिथ्यता रहेको थियो । जिल्ला अध्यक्ष नन्दराम देवकोटाको अध्यक्षतामा बसेको बैठकको सञ्चालन सचिव शसिराम नेपालीको गर्नुभएको थियो ।